Adoba

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre las adobas como material de construcción. Pa las lamas de fusta que fan parte de los tonels, se veiga Adoba (fusta).

L'adoba^[1][2] (de l'arabe < attub) ye un ladriello feito con una masa d'archila y bella cosa mas, secada a lo sol y a l'aire (ixoriada), y sin cocer-la. A diferencia d'os ladriellos, l'adoba, en chunto con o tapial, fa parte d'os materials de construcción basaus en o bardo que no precisan cocción.

L'adoba ye un material de construcción muito antigo, y encara s'emplega en amplas rechions por estar fácil de fer y d'emplegar. Funciona muit bien en rechions de clima seco y soleyau por estar buen aislant termico, anque s'erosiona con as plevidas frecuents. D'antes se podeban fer con lo tarquín de las ceicas, anque en puestos como l'Alto Aragón ye tipico que sen faiga con buro y palla.^[3]

1. ↑ (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 165.ISBN 978-84-8094-058-0
2. ↑ PARDO ASSO, José, Nuevo diccionario etimológico aragonés (voces, frases y modismos usados en el habla de Aragón) (Facsímil); Institución «Fernando el Católico» + Gara d'Edizions. Zaragoza, 2002. ISBN 84-8094-101-4
3. ↑ MONESMA, Eugenio (realizador), Los adobes. Construcción tradicional de una caseta con tierra, paja y agua. (documental).